Kumtesë për medie

Në Prishtinë, më 14 maj 2019
Nr. Ref.:388

KUMTESË PËR MEDIE

Anëtarët e Komisionit për Edukimin dhe Mjetet e Informimit Publik të Kuvendit të Shqipërisë të udhëhequr nga znj. Fatjona Dhimitri, kryetare e Komisionit vizituan këtë të martë (14 maj 2019) Akademinë e Shkencave dhe të Arteve të Kosovës. Delegacioni shoqërohej nga z. Ismail Kurteshi, kryetar i Komisionit për Arsim, Shkencë, Teknologji, Kulturë, Rini, Sport, Inovacion dhe Ndërmarrësi në Kuvendin e Kosovës dhe u prit nga Kryesia e ASHAK-ut e udhëhequr nga akademik Nexhat Daci, kryetar i ASHAK-ut.

Kryetari Daci informoi mysafirët për punën shkencore, funksionimin dhe aktivitetet e ASHAK-ut. Në një atmosferë të përzemërt vëllazërore u shkëmbyen informata rreth aktivitetit, punës shkencore si dhe funksionimit të ASHAK-ut dhe takimi shërbeu si një mundësi e mirë për të marrë dhe shkëmbyer përvojat pozitive. Të dy palët shprehën gatishmërinë të vazhdojnë bashkëpunimin vëllazëror dhe institucional edhe në të ardhmen.

Share on facebook
Share on twitter
Share on linkedin
Share on email
Share on print